Жанубий Корея президенти ягона уйини сотиб юборди
Жанубий Корея президенти Ли Чже Мён ўзининг ягона квартирасини сотиб юборди. Тҳе Кореа Ҳералд нашрининг хабар беришича, у ҳукуматнинг кўчмас мулк бозорини барқарорлаштириш кампаниясини қўллаб-қувватлаш учун уни сотишга қарор қилди. «Менинг энди уйим йўқ», деди сиёсатчи Вазирлар Маҳкамаси йиғилишида. Президент девони дастлабки...
Жанубий Корея президенти ягона уйини сотди
Жанубий Корея президенти Ли Чже Мён ўзининг ягона квартирасини сотишга қарор қилди.
Кореа Ҳералд нашрининг ма'лум қилишича, у ҳукуматнинг кўчмас мулк бозорини барқарорлаштиришга қаратилган кампаниясини қўллаб-қувватлаш мақсадида бу қарорни қабул қилган.
«Менинг энди уйим йўқ», деди сиёсатчи Вазирлар Маҳкамаси йиғилишида.
Президент девони дастлабки савдо шартномаси имзоланганини ва битим яқин орада якунланишини тасдиқлади. Президент квартирага биринчи хоним Ким Хе Кён билан биргаликда эгалик қилган. Эр-хотин ҳозирда Сеулнинг Ханнамдон туманидаги расмий қароргоҳда яшамоқда.
Президент Сеул яқинидаги ҳашаматли Соннам туманида жойлашган мулкни феврал ойида сотувга қўйган. Сиёсатчи кўчмас мулк бозоридаги спекуляция ва уй нархларининг тез ўсишига қарши курашиш мақсадида Жанубий Кореянинг солиқ ва молиявий сиёсатини қайта кўриб чиқиш режасини эълон қилди.