Гулфстреам Г700 тезлик бўйича янги жаҳон рекордини ўрнатди
Американинг Гулфстреам Аероспасе компаниясига тегишли Гулфстреам Г700 бизнес-жьети Лос-Анжьелесдан Буюк Британиянинг Фарнборо шаҳригача бўлган йўналишда тезлик бўйича янги рекорд ўрнатди. Самолёт 8 778 километр масофани атиги 8 соат 27 дақиқада босиб ўтиб, аввалги натижани 19 дақиқага яхшилади.
Гулфстреам Г700 янги жаҳон тезлик рекордини ўрнатди.
Компания хабарига кўра, рекорд парвоз вақти самолётнинг ҳавога кўтарилишидан то қўнишдан кейин бутунлай тўхтагунига қадар бўлган умумий вақтга асосланиб ҳисобланган. Авиацияда айнан шу кўрсаткич самолётнинг амалий фойдаланиш шароитларидаги самарадорлигини энг аниқ акс эттиради.
Рекорд парвоз Лос-Анжьелес халқаро аеропортидан бошланиб, Буюк Британиядаги Фарнборо аеропортида якунланган. Янги натижа аввалги рекорддан 19 дақиқа ёки тахминан 3,6 фоизга тезроқ бўлди.
Қайд этиш жоизки, аввалги рекорд ҳам яқинда, 19-июл куни ўрнатилган эди. Ўшанда Глобал 8000 бизнес-жьети Фарнбородаги авиасалонга парвоз қилиб, ушбу масофани 8 соат 46 дақиқада босиб ўтган.
Гулфстреам Аероспасе президенти Марк Бернснинг таъкидлашича, ҳақиқий авиация рекордлари фақат ҳавода ўтказилган вақт билан эмас, балки самолётнинг учишидан тортиб қўнишдан кейин тўлиқ тўхташигача бўлган умумий вақт билан баҳоланади. Унинг фикрича, бу кўрсаткич мижозлар ҳар кунлик эксплуатацияда оладиган реал самарадорликни намоён этади.
Компания ушбу натижа Гулфстреам Г700 моделининг юқори тезлиги, узоқ масофага парвоз қилиш имконияти ва эксплуатацион самарадорлигини яна бир бор тасдиқлаганини қайд этди.