Газни энди сунъий интеллект бошқаради: Тошкентда СМАРТ ГТП тизими жорий этилмоқда

Қишда газ истеъмоли кескин ошганда ёки ёзда талаб камайганда газ босимини барқарор ушлаб туриш газ таъминоти тизимининг энг муҳим вазифаларидан бири ҳисобланади. Тошкент шаҳрида бу жараённи автоматлаштириш мақсадида сунъий интеллект асосида ишловчи СМАРТ ГТП тизимлари босқичма-босқич жорий этилмоқда. Янги технология газ босимини реал вақт режимида назорат қилиш, муаммоларни олдиндан аниқлаш ва тизимни масофадан бошқариш имконини беради.