Беҳруз Каримов Швейсариянинг “Лугано” клубига ўтди
Ўзбекистон миллий терма жамоаси ҳимоячиси Беҳруз Каримов фаолиятини Швейсариянинг ъЛуганў клубида давом эттиради. 19 ёшли футболчи ЖЧ-2026даги иштирокидан сўнг Европа клуби билан шартнома имзолади.
Беҳруз Каримов Швейсариянинг “Лугано” клубига кўчиб ўтди.
Ўзбекистон миллий терма жамоаси ҳимоячиси Беҳруз Каримов эндиликда Швейсариянинг “Лугано” клуби сафида тўп суради. Ўзбекистон футбол ассоциацияси 19 ёшли футболчининг янги жамоаси билан шартнома имзолаганини тасдиқлади.
2007-йил 7-августда туғилган Каримов футболчилик фаолиятини “Одил Жуниор” академиясида бошлаган. Кейинчалик Тошкентнинг “Олимпик” жамоасида ўйнаган футболчи 2025-йил феврал ойида Термизнинг “Сурхон” клубига ўтган эди.
Ўнг қанот ҳимоячиси қисқа муддат ичида Ўзбекистон чемпионатида ўз маҳоратини намойиш этиб, миллий терма жамоага чақирилди. У 2026-йилги Жаҳон чемпионати саралаш босқичида Ўзбекистоннинг асосий таркибида Колумбия ва Португалияга қарши ўйинларда майдонга тушган.
1908-йилда ташкил этилган “Лугано” Швейсариянинг энг қадимий клубларидан бири ҳисобланади. Жамоа мамлакат чемпионатида уч марта, Швейсария кубогида эса тўрт марта ғолибликни қўлга киритган.
“Лугано” 2025/26-йилги мавсумни Швейсария Суперлигасида 3-ўринда якунлади. Жамоа 38 та учрашувда 19 та ғалаба, 10 та дуранг ва 9 та мағлубият қайд этиб, 67 очко тўплади. Клуб мавсум якунларига кўра УЕФА Конференсиялар лигаси саралаш босқичида иштирок этиш ҳуқуқини қўлга киритди.