5 метрга ҳам етмайди: АҚШда ошхона ва ювиниш хонаси бор митти уй тақдим этилди
5 метрдан ҳам қисқа: АҚШда ошхона ва ҳаммомга эга ихчам уй тақдим этилди
Американинг Эссапе компанияси эБоҳо Го номли янги ихчам уйни намойиш этди. Атиги 11 квадрат метр майдонга эга бўлишига қарамай, бу ғилдиракли уйда қулай ошхона, ювиниш хонаси ва икки кишилик каравот мавжуд. Ушбу янги моделдан доимий яшаш жойи сифатида, шунингдек, меҳмонхона, шахсий офис ёки ижарага бериладиган жой сифатида фойдаланиш мумкин.
Ушбу ғилдиракли уй икки ўқли махсус тиркама устига қурилган бўлиб, унинг узунлиги 4,6 метрни ташкил этади. Жуда ихчам бўлишига қарамай, муҳандислар уйнинг ҳар бир сантиметридан самарали фойдаланишган. Деворларга ўрнатилган катта панорамали ойналар ихчам уйни табиий ёруғлик билан таъминлайди, девор ичига йиғиладиган мебеллар эса ортиқча жой эгалламайди.
Фото: www.escapetraveler.net
Ixcham уйнинг ичида музлаткич, раковина, индуксион плита ва идиш-товоқлар учун шкафлари бўлган ошхона мавжуд. Шунингдек, душ ва ҳожатхонаси бўлган алоҳида ювиниш хонаси ҳамда қулай ётоқ жойи қилинган. Барча маиший техникалар тўлиқ электр токи билан ишлайди.
Уйнинг асоси сифатли ёғочдан қурилган ва қишда совуқ, ёзда иссиқ ўтказмайдиган замонавий изоляция материаллари билан қопланган. Очиладиган ойналарга чивин тўрлари ва жалузилар ўрнатилган. Ишлаб чиқарувчиларнинг таъкидлашича, уй мижознинг хоҳишига кўра жиҳозланади ва унда нафақат ёзги таътилда, балки қишнинг қаҳратонида ҳам бемалол яшаш мумкин.
Ҳозирда компания ушбу модел учун буюртмаларни қабул қилишни бошлади. эБоҳо Го ихчам уйининг бошланғич нархи тахминан 39 440 АҚШ долларини ташкил этади. Компания бу маҳсулотини ўз йўналишидаги энг ихчам ва тежамкор тўлиқ электрли ечим деб баҳоламоқда.